Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendëskryeministri i Kosovës, njëheresh ministri i Jashtëm, Behxhet Pacolli, ka pritur në një takim ambasadorin jo-rezident të Japonisë në Kosovë, Kiyoshi Koinuma, me të cilin diskutuan për zhvillimet e fundit të Kosovës si dhe avancimin e marrëdhënieve të të dyja shteteve. Në kuadër të këtij takimi është diskutuar në lidhje me zhvillimet e fundit politike në vend, ndërkohë që vëmendje e posaçme i është kushtuar avancimit të marrëdhënieve dy-palëshe në mes dy vendeve. Për qëllimin e njëjtë, kryediplomati kosovar, Pacolli dhe Ambasadori japonez, Koinuma kanë diskutuar në lidhje me organizimin e ceremonisë për shënimin e dhjetë vjetorit të marrëdhënieve diplomatike në mes dy vendeve në fillim të vitit të ardhshëm dhe po ashtu organizimin e një Forumi Ekonomik në mes dy vendeve, që pritet të mbahet në gjashtë mujorin e parë të vitit 2019.
