Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Familja e Shaban Sylës, Faruk Gashit dhe familje të tjera, pjesëtarët e të cilave janë dënuar me burg të rëndë, në saje të deklaratave të të instruktuarit të Serbisë, Nazim Bllaca, kanë reaguar duke kërkuar drejtësi për rastin e familjarëve të tyre. Ditë më parë në një dokumentar hulumtues të RTK-së u shfaqen dëshmi, deklarate e dokumente ku saktësohet se Nazim Bllaca nga fshati Ribar i Madh qysh në vitin 1997, ishte inkuadruar për të shërbyer në Shërbimin sekret serb. Ai kishte arritur të infiltrohet në radhët e UÇK-së duke u dhënë informata të rëndësishme, inspektorëve të MUPI-it serb në Kosovë. Edhe pas luftës, Nazim Bllaca kishte bashkëpunuar me BIA serbe. Ai kishte akuzuar dhjetëra ish luftëtarë të UÇK-së për krime të caktuara, në cilësi të dëshmitarit të mbrojtur të UNMIK-ut e më pas edhe të EULEX-it. Familjarët kanë kërkuar nga organet e drejtësisë që të mos heshtin edhe më tej në lidhjen e Nazim Bllacës me BIA-n serbe, meqë ishin shqiptuar dënime duke marrë për bazë vetëm një dëshmitar, i cili ishte instruktuar nga regjimi serb.
