valamobile
mbpzhr 2018
Airport Adem Jashari
MIT
kek
akp deri me 5 maj
Fillimi / Lajmet / FSK-ja pjesë e ushtrimit fushor „WINTER EXERCISE 19“ në Turqi
FSK-ja pjesë e ushtrimit fushor „WINTER EXERCISE 19“ në Turqi

FSK-ja pjesë e ushtrimit fushor „WINTER EXERCISE 19“ në Turqi

 Në qytetin Kars të Turqisë, ka filluar ushtrimi fushor ndërkombëtar, i quajtur USHTRIMI DIMËROR, në të cilin po marrin pjesë përfaqësuesit e 13-të shteteve. „Ushtrimi dimëror 19“ ka për qëllim testimin e kapaciteteve luftarake në kushte të dimrit (borë me trashësi deri 50 cm dhe temperatura deri -20 gradë celsius), si dhe forcimin e ndërveprushmërisë në ambiente të përbashkëta operacionale. FSK-ja po merr pjesë me një kontingjent prej shtatë pjesëtarëve të rangut; oficerë dhe nënoficerë-stafi. Kontingjenti i FSK-së, ka zbarkuar me shkurt  dhe iu ka  bashkuar Brigadës së 14-të të Mekanizuar të Ushtrisë Turke, në detyra të ndryshme, si oficerë, nënoficerë stafi, e të tjerë.  Komandanti i Kontingjentit të FSK-së, majori Albert Kuçi, deklaroi se; „Të gjithë oficerët dhe nënoficerët e FSK-së, janë në nivel të detyrës duke treguar profesionalizëm gjatë realizimit të këtij ushtrimi të përbashkët operacional.

Qëllimi i pjesëmarrjes së FSK-së, është që pjesëtarët tanë të trajnohen dhe zhvillojnë shkathtësitë e planifikimit dhe ekzekutimit të ushtrimeve, ku përfshinë; qitje reale nga armët e kombinuara të kalibrave të ndryshme në një operacion konvencional ushtarak, si dhe këto përvoja t’i aplikojmë në vendin tonë në kushte dhe ambiente të ngjashme“, shtoi major Kuqi.

Ushtrimi „WINTER EXERCISE 19“ do të përfundojë më 22 shkurt 2019.

Kontrolloni gjithashtu

Të premten në Drenoc të Rahovecit shënohet 21 vjetori i daljes se parë publike të UÇK-së në Zonën Operative të Pashtrikut

Të premten në Rahovec shënohet 21 vjetori i daljes se parë publike të UÇK-së në Zonën Operative të Pashtrikut

Organizata e Veteranëve të Luftës së Ushtrisë Çlirimtare të Kosovës në Rahovec bënë të ditur ...