Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Java e Lëvizjes Vetëvendosje është përmbyllur të hënën në ditëlindjen e veprimtarit të madh të çështjes kombëtare, profesor Ukshin Hoti. Për shënimin e kësaj date, një delegacion i Lëvizjes Vetëvendosje, i prirë nga kryetari Albin Kurti dhe kryetari i Komunës së Prizrenit, Mytaher Haskuka së bashku me shefin e grupit parlamentar të Lëvizjes, Glauk Konjufca, deputetët Arbër Rexhaj, Drita Millaku dhe Salih Zyba si dhe kryesuesen e Këshillit të Qendrës së Lëvizjes në Prizren, Arbëresha Berisha kanë vizituar Universitetin “Ukshin Hoti” në Prizren. Me rastin e vizitës në këtë universitet, delegacioni i Vetëvendosjes zhvilloi një takim me studentët, profesorët si dhe me rektorin Ismet Temaj. Kryetari Kurti ka vendosur lule të freskëta te shtatorja e profesorit Ukshin, ndërsa Glauk Konjfuca ka mbajtur një fjalë rasti duke lexuar edhe një paragraf nga vepra e famshme e profesorit, “Filozofia politike e çështjes shqiptare”: Konjufca ka thënë se ky është paragrafi më i rëndësishëm i veprës së Ukshin Hotit. Në këtë kontekst, ai ka thënë se nderin më të madh që mund t’ia bëjnë profesorit Ukshin Hoti, është duke vazhduar rrugën e tij, dhe duke mos u ndalur derisa kjo që ka lexuar të realizohet.
