Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata e Apelit e ka refuzuar si të pa bazuar ankesën e Prokurorisë Speciale kundër Fatmir Limajt dhe të tjerëve në rastin e MTPT-së. Në këtë mënyrë, Apeli ka vërtetuar aktgjykimin e Gjykatës Themelore në Prishtinë të datës 30 maj 2018. Ata akuzoheshin nga prokuroria për shkak të veprave penale nga Kodi Penal i Republikës së Kosovës, si krim i organizuar, shpërdorimi i pozitës zyrtare ose i autorizimit, marrje e ryshfetit, dhënie e ryshfetit, keqpërdorimi i autorizimeve ne ekonomi, dhe vepra tjera penale në formë të mos deklarimit të parave të pranuara për fushatë, parashikuar me Rregulloren e UNIMK-ut nr.2004/2 për pengimin e shpëlarjes së parave dhe veprave të ngjashme penale. “Gjykata gjeti se shkalla e parë nuk ka bërë shkelje esenciale procedurale, ka aplikuar drejte ligjin penal, si dhe e ka vërtetuar drejtë dhe në mënyrë te plotë gjendjen faktike”, është thënë në komunikatën e Gjykatës së Apelit.
