Kryetari i vendit, Hashim Thaçi ka uruar popullin amerikan për ditën e kombit të tyre. Përmes një postimi, Thaçi ka thënë se veçantia e festës së këtij viti në Kosovë është përurimi i objektit të ri të Ambasadës së SHBA-së në Prishtinë. “Sot është ditëlindja e 243-të e Shteteve të Bashkuara të Amerikës. Çdo 4 Korrik, Kosova dhe shqiptarët emocionalisht janë bashkë me Amerikën, vend dhe popull ky që kontribuoi shumë që ne të jemi të lirë dhe të pavarur. Ky përvjetor është ndër më të veçantit për Republikën e Kosovës, meqë përurojmë objektin e ri të Ambasadës së SHBA-së në Prishtinë, e cila është përjetësim i angazhimit amerikan në vendin tonë”, ka shkruar Thaçi. Ai ka theksuar se “Edhe pas shumë shekujsh, SHBA-ja mbetet udhërrëfyes i paqes dhe demokracisë në botë”.
Kontrolloni gjithashtu
Nuk ka ditë në shenj përkujtimi për dëshmorët e heronjtë dhe të mos gjendet në terren trojka qeveritare: Vjosa Albini, Glauku
Nuk ka ditë që kalon në shenj përkujtimi për dëshmorët e heronjtë dhe të mos …