Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori i universitetit dhe njohësi i çështjeve të arsimit në Kosovë, Dukagjin Popovci ka deklaruar se është e paarsyeshme që Sindikata të merret me çështjen e organizimit të shkollave në një komunë, përderisa nuk janë në pyetje vendet e punës të punonjësve të arsimit. “Me sa e di unë këtë ndryshimin në komunën e Kamenicës, bëhet fjalë për mbylljen e disa shkollave të cilat kanë numër të vogël të nxënësve dhe Komuna e organizon transportin e nxënësve deri në shkollën më të afërt dhe nuk i largon nga puna mësimdhënësit. Nëse janë plotësuar këto dy kushtet, është e paarsyeshme të flitet rreth kësaj. Natyrisht qytetarët që jetojnë në komunën e Kamenicës mund ta diskutojnë këtë çështje me strukturat komunale, edhe duhet ta diskutojnë sepse bëhet fjale për fëmijët e tyre”, tha ai. SBASHK-u është një klan sindikal i manipuluar nga klanet politike dhe nuk është në shërbim sindikalist por në dëmtim të arsimit.
