Dy senatorët amerikanë pritet që këtë javë të vizitojnë Kosovën, ata do të kërkojnë për vazhdimin e dialogut Kosovë-Serbi. Në prag të zgjedhjeve të 6 tetorit, senatorët amerikanë, Chris Murphy dhe Ron Johnson do të qëndrojnë në Kosovë. Kështu ka bërë të ditur senatori demokrat Chris Murphy. Ai ka thënë se me senatorin republikan Peter Beyer nuk janë të lejuar që të hynë në Rusi, në vizitën e paraparë atje bashkë me një delegacion të kongresit. Murphy shkruan në twitter se do të vizitojnë Kosovën, Serbinë dhe Ukrainën. “Rusia nuk na lejon brenda, por Ron Johnson dhe unë do të vizitojmë Ukrainën, Serbinë dhe Kosovën këtë javë, për të dëshmuar mbështetjen dypartiake për Qeverinë e re të Ukrainës dhe për vazhdimësinë e dialogut midis Beogradit dhe Prishtinës”, ka shkruar në një postim në Twitter senatori Chris Murphy.
Kontrolloni gjithashtu
Ish-kryetari i Sllovenisë, Borut Pahor thotë se është i gatshëm të bëhet emisar i BE-së për dialogun Kosovë-Serbi
Ish-kryetari i Sllovenisë, Borut Pahor, ka gjasa të emërohet emisar i Bashkimit Evropian për dialogun …