Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtarët më të lartë kushtetues të Çekisë, kanë refuzuar propozimin e presidentit Millosh Zeman për tërheqjen e njohjes së pavarësisë së Kosovës, ide të cilën e kishte paraqitur para autoriteteve të Serbisë, në Beograd. Gjatë parashtrimit të kësaj ideje në takimin me zyrtarëve më të lartë kushtetues të Çekisë ku bëjnë pjesë presidenti, kryeministri, kryetarja e dhomave të parlamentit, ministri i jashtëm, ai i brendshëm dhe i mbrojtjes është thënë se kjo ide është e parealizueshme. Pas takimit të zhvilluar, shefi i diplomacisë çeke, Tomas Petërçek ka theksuar se qëndrimi i Republikës Çeke kundrejt Kosovës, nuk ka ndryshuar. Çekia e ka njohur vendit tonë në maj të vitit 2008. Deklaratat e bëra në Beograd nga presidenti 74 vjeçar, Millosh Zeman, që është i njohur për qëndrime kundërthënëse, kanë nxitur reagime në Çeki, duke i quajtur ide joreale.
