Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një kohë kur në Evropë është rritur shqetësimi për një depërtim edhe më të madh të ndikimit ruso-kinez në Ballkanin Perëndimor, kryetari i Serbisë Aleksandar Vuçiq thotë se mos hapja e negociatave me Shqipërinë dhe Maqedoninë e Veriut, nga BE-ja justifikon politikën e tij me dy fuqitë e tjera. Ai në një intervistë për Fajnenshel Tajmes tha se vendimi i BE-së për dy shtetet ballkanike, pavarësisht reformave që kanë ndërmarrë, tregoi se “jo gjithçka varet nga ne”.Vuçiq ka shtuar se vendimi për të mos hapur negociatat me Tiranën dhe Shkupin e justifikon politikën e tij për marrëdhënie më të afërta me Kinën dhe Rusinë. “Ne nuk mund të varemi nga vendimi i radhës i Këshillit Evropian, ose se çfarë do të vendosë Qeveria holandeze, apo se nëse Qeveria daneze do të bëjë diçka tjetër”, tha Vuçiq. Nesër Serbia do të firmosë marrëveshjen e tregtisë së lirë me Unionin Euro-aziatik, i cili është një bllok ekonomik rival i BE-së, i udhëhequr nga Rusia.
