Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokurori i ri i Përgjithshëm, Olsian Çela u prezantua sot si drejtuesi i ri i i organit të akuzës. Ishte ish-kryeprokurorja, Arta Marku, e cila i dorëzoi detyrën kryeprokurorit të ri Olsian Çela, që u votua dje nga parlamenti me 101 vota për të drejtuar organin e akuzës për 7 vitet e ardhshme.Marku tha se ndihet e vlerësuar që drejtoi Prokurorinë duke bërë falënderimet e rastit, ndërkohë që uroi Çelën për detyrën dhe u shpreh e lumtur që ia pason një shoku të saj të klasës.“Ndihem e vlerësuar që drejtova Prokurorinë. Ishin dy vite të vështira për çdo magjistrat. Një falënderim të veçantë për mediat. Roli juaj i pazëvendësueshëm dhe na bën më të përgjegjeshmë për detyrën tonë. Urime prokurorit të ri. Shumë e lumtur që detyrën ia pasoj një shoku tim të klasës”, deklaroi Marku. Kryeprokurori Çela falënderoi Arta Markun për punën e saj, duke theksuar se ajo punoi në një fazë të vështirë tranzicioni.
