Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Turqisë, Rexhep Tayyip Erdogan dënoi dhënien e çmimit Nobel për Letërsisë për shkrimtarin Peter Handke, i njohur si mbështetës i politikave të ish-udhëheqësit serb Slobodan Milosheviq, i gjykuar për krime lufte. “Dhënia e çmimit Nobel në Letërsi një personi racist nuk do të thotë asgjë tjetër përveç se shpërblim për shkeljen e të drejtave të njeriut”, tha Erdogan në një mesazh me rastin e Ditës për të Drejtat e Njeriut. Handke njihet si një admirues i madh i Milosheviqit, i cili vdiq në vitin 2006 në gjykatën ndërkombëtare në Hagë teksa po gjykohej për krime lufte dhe gjenocid. “Ngrihuni në këmbë nëse i mbështesni serbët”, kishte shkruar Handke gjatë luftës në Kosovë në vitet 1998-1999. Ai po ashtu është mohues e gjenocidit serb gjatë luftës së Bosnjës. Handke gjithashtu kishte vizituar Milosheviqin në burg dhe ishte përpjekur të dëshmonte në favor të tij. Me fitimin e çmimit Nobel, Handke do të marrë 952 mijë dollarë si dhe një medalje dhe një diplomë.
