Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Këshillit Kombëtar të Nismës Socialdemokrate, Jakup Krasniqi ka thënë se që 10 vjet udhëheqësit e partive politike pa përjashtim nuk kanë vesh për të dëgjuar as sy për të parë. Sipas tij, ata dinë ta mohojnë njëri-tjetrin duke vendosur vija të kuqe dhe duke krijuar armiqësi. Krasniqi thotë se zhvillimet e fundit ia kanë forcuar bindjen se krerët e politikës nuk kanë asnjë virtyt prej udhëheqësi në personalitetin e tyre, duke shtuar se nuk kanë integritet e dinjitet për të drejtuar kombin a një pjesë të tij, madje nuk dinë as të komunikojnë si njerëz me njëri – tjetrin, për çka kanë marrë përgjegjësi për të udhëhequr me bashkëkombësit dhe qeverisur me pasurinë kombëtare. Prandaj, sipas tij, kombi gjendet këtu ku është dhe është tepër keq, sa nuk dinë “udhëheqësit”, ta vlerësojnë asnjë vlerë. Krasniqi thotë se kjo ndodhë për shkak të papërgjegjësisë në zgjedhjen e përfaqësuesve të popullit.
