Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i Korporatës Energjetike të Kosovës, Nijazi Thaçi ka thënë se kjo korporatë është duke operuar me kapacitete të plota dhe është duke prodhuar sasi të mjaftueshme të energjisë për nevojat e konsumatorëve. “Aktualisht jemi duke punuar me krejt kapacitetin, i kemi në funksion dy blloqet në Termocentralin Kosova B dhe dy të tjera në TC Kosova A, që gjithsej prodhojnë 800 MW në orë. Po ashtu, në divizionin e minierave i kemi në punë të gjithë ekskavatorët, rezervat janë të mjaftueshme dhe momentalisht nuk kemi asnjë pengesë që prodhimi i energjisë elektrike të jetë në kushte normale” ka deklaruar drejtori i Korporatës Energjetike të Kosovës, Nijazi Thaçi. Ai ka thënë se gjatë këtyre ditëve është vërejtur shpenzim më i madh i energjisë dhe ka shtuar se nëse vjen deri te rritja e mëtejme e shpenzimit, Korporatës Energjetike të Kosovës, ka hartuar planin B për rritjen e prodhimit të energjisë. Ditë më parë Korporata Energjetike e Kosovës (KEK) ka marrë vendim që t’i stimulojë me nga 300 euro për dy muajt e ardhshëm të gjithë punëtorët pas situatës së krijuar nga koronavirusi.
