Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ndaj masave që ka ndërmarr Serbia për pjesën veriore të Kosovës, ka reaguar edhe kryetari i Partisë Socialdemokrate, Dardan Molliqaj. Ai ka thënë se futja e veriut të Kosovës nën karantinë me urdhër të Serbisë është cenim i drejtpërdrejt i sovranitetit dhe integritetit të Kosovës. Çka është edhe më shqetësues është fakti që Kurti dhe VV nuk e thanë as edhe një fjalë për këtë gjë. Kjo parti që proklamonte me zell idenë e bashkimin e Mitrovicës, ide mbi të cilën është rritur politikisht dhe me vota, sot zgjedh heshtjen përballë veprimeve të dëmshme të Serbisë. VV tani po sillet sikur veriu i Kosovës nuk është as pjesë e jona, sikur qeveria e udhëhequr prej tyre nuk e ka për obligim që të ndërmerr veprime për të parandaluar cenimin e integritetit e sovranitetit të Kosovës e në anën tjetër mundohet me çdo kusht të sabotoj dialogun me Serbinë i cili do të mund të ndalonte përfundimisht këto veprime të Serbisë. Ndryshe, me veprimet e Serbisë dhe mosveprimin e Kosovës, nuk mund të quhemi as të pavarur e as sovran, ka shkruar në mes tjerash kryetari i Partisë Socialdemokrate, Dardan Molliqaj.
