Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish eprori i lartë i UÇK-së, gjenerali Lahi Brahimaj e ka përkujtuar sot nënën e tij Azë Brahimaj në 22 vjetorin rënies heroike të saj. Ai e ka krahasuar atë me një heroinë të vërtetë por njëkohësisht e ka shprehur mallin dhe krenarinë e tij për të. “Në përkujtim të nënave, Nëna Aze, përkujtimet për nënën janë të vështira gjithmonë por për mua aq sa qenka e rëndë qenka edhe krenari. Kur ne vendosem ti dilnim përballë armikut ti na dhe bekimin dhe u bëre krahu ynë në këtë rrugë, u bëre shoqe e bashkëluftëtarë për ne, u bëre nëna e UÇK-së siç të quanin shokët bashkëluftëtar kur ju rrije gati e kujdeseshe po me atë dashuri të nënës si për ne djemtë e tu. Sot 22 vite më parë bashkë me nënën (gjyshen time) Zizen ratë ashtu siç u ka hije nënave e motrave shqiptare. Nëna ime Aze Brahimaj sot nuk je në mesin tonë fizikisht por ti jeton me veprat tuaja prej nëne e heroine, sot nuk të kujtojmë vetëm ne por të kujtojnë të gjithë ata që në ditët më të vështira të thirrën nënë e po na bëjnë më të lehtë mungesën tënde në këtë përvjetor duke ndarë mallin e dhimbjen me ne. I përjetshëm kujtimi për ju, i lehtë u qoftë dheu i Kosovës ju dhe gjitha nënave shqiptare që u sakrifikuan për këtë vend”, ka shkruar ai.
