Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Shqipëri 135 persona kanë rezultuar pozitiv në virusin corona ndërsa ka humbur jetën një pacient i infektuar. Ndërkohë shqetësuese situata bëhet në Tiranë, ku regjistrohet numri më i madh i të infektuarve brenda një dite, 113 raste. “Gjatë 24 orëve të fundit në Shqipëri janë kryer 586 testime për të dyshuar të prekur nga virusi ku 135 persona janë konfirmuar të infektuar. Shpërndarja gjeografike e rasteve pozitive ditore është si vijon: 113 raste në Tiranë, 11 në Durrës, nga 2 raste në Kukës, Vorë, nga 1 rast në Shkodër, Krujë, Has, Kavajë, Vlorë, Tropojë, Kamëz. Gjatë 24 orëve të fundit janë shëruar 72 qytetarë, duke e çuar numrin e të shëruarve në 3227, që nga fillimi i epidemisë. Aktualisht ne spitalin Infektiv dhe “Shefqet Ndroqi” po trajtohen 122 pacientë të konfirmuar pozitivë me Covid19, 20 pacientë janë në terapi intensive, 3 prej të cilëve të intubuar. Fatkeqësisht, edhe pas përpjekjeve të mëdha të ekipeve mjekësore, nuk e ka fituar dot betejën me sëmundjen një 58 vjeçar nga Tirana”, njoftoi Marjeta Dervishi nga Instituti i Shëndetësisë Publike.
