Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Shteteve të Bashkuara, Donald Trump, të dielën nënshkroi një urdhër të ri ekzekutiv me qëllim të uljes së çmimit të ilaçeve në Shtetet e Bashkuara. Ky urdhër, që u nënshkrua më pak se dy muaj para zgjedhjeve të presidenciale të 3 nëntorit, do ta zëvendësonte një urdhër tjetër ekzekutiv për këtë çështje, që u nënshkrua më 24 korrik. Grupi më i madh i industrisë farmaceutike, PhRMA, e cilësoi vendimin e Trumpit si sulm të pamatur saktësisht në kompanitë që po punojnë ditë e natë për ta mposhtur Covid-19. Kreu i Shtëpisë së Bardhë në korrik e nënshkroi një urdhër ekzekutiv me të cilin i kërkohej kompanisë Medicare që t’i ndërlidhë çmimet e barnave në Shtetet e Bashkuara me ato të vendeve tjera. Sidoqoftë, zbatimi i këtij urdhri ishte shtyrë pasi administrata kërkoi të gjente një zgjidhje për këtë industri.
