Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati Spartak Ngjela ka akuzuar kryetarin e Shqipërisë, Ilir Meta se po kërcënon se do të bëjë kryengritje popullore me paratë që iu ka grabitur shqiptarëve. Ngjela ka shkruar se Meta po mendon që me paratë e grabitura të paguajë shqiptarët e varfër dhe me ta të destabilizojë Shqipërinë. Ai ka pyetur se si ka mundësi që këtë shtet, në njëqind vjet, e kanë drejtuar hajdutë dhe të shitur te fqinjët, pushtues të territoreve shqiptare.
“Në këto ditë, kancelarja e Gjermanisë Angela Merkel, deklaroi: “Europa i ka një borxh shtetit shqiptar, të cilin e krijoi të cunguar. Ky është i vetmi shtet në Evropë që rrethohet në të gjithë kufirin e vet me banorë që flasin të njëjtën gjuhë. Duhet të bashkohen të gjitha territoret shqipfolëse, duke krijuar shtetin kombëtar shqiptar, ku të jenë përfshirë tërësisht territoret shqipfolëse…”Më hapur se kaq nuk ka folur asnjë personalitet tjetër. Po politika e lartë shqiptare, çfarë thotë? Asgjë, sepse 60 përqind e asaj politike, e korruptuar, paguhet nga fqinjët dhe Rusia, me motivin: të shkatërrohet Shqipëria! Dhe, Meta, njëri prej tyre po kërkon destabilitetin e Shqipërisë. Njëlloj si Beogradi dhe Moska”, ka shkruar ai.
