Ish-gjenerali serb, Millovan Bojoviq, i cili sipas Këshillit për Mbrojtjen e të Drejtave dhe Lirive të Njeriut dyshohet se ka kryer krime lufte kundër civilëve shqiptarë, është dënuar me 1 muaj paraburgim nga Gjykata Themelore e Prishtinës, dega në Besianë. Ish-gjenerali serb është ngarkuar me akuzën për kalim të paautorizuar të vijës kufitare. Gjyqtarja, Elheme Jashari e ka shpallur fajtor Millovan Bojoviqin, të lindur në fshatin Peran, pasi ai të mërkurën në orën 16:55 ka bërë kalim të paautorizuar të kufirit sipas nenit 146 të Kodit Penal të Republikës së Kosovës. I pandehuri ishte kapur nga Policia në fshatin Shtedim të Besianës dhe gjatë marrjes në pyetje, e ka pranuar në tërësi fajësinë. Dënimi i shqiptuar nga Gjykata prej një muaji, sipas gjyqtares Jashari, do të fillojë pas plotfuqishmërisë së këtij aktvendimi.
Kontrolloni gjithashtu
Daut Haradinaj me mesazh prekës për Jakup Krasniqin: Do ta ndaja një pjesë të jetës për të të zëvendësuar
Gjeneral Daut Haradinaj ka publikuar një mesazh me tone të thella emocionale kushtuar ish-zëdhënësit të …
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
