Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtarët e lartë të Bashkimit Evropian vazhdojnë ta mbrojnë Pallatin e Drejtësisë, duke këmbëngulur që ndërtimi i tij është kryer në mënyrë transparente. Pavarësisht problemeve të shumta, duke filluar me mungesën e oksigjenit brenda e deri te cilësia e dobët e ndërtimit, zyrtarët e BE-së konsiderojnë se projekti i tyre është krejt në rregull. Maja Kocijançiq, zëdhënëse e Komisionit Evropian, ka deklaruar se janë në dijeni për ankesat, por sipas saj, nuk është konstatuar ndonjë parregullsi në aspektin e ajrimit. Kjo deklaratë bie në kundërshtim me pohimet e panumërta të punonjësve të Pallatit të Drejtësisë, të cilët tash sa muaj ankohen për mungesë të plotë të kushteve të punës në këtë ndërtesë. Sipas tyre, mungesa e ajrimit e bën krejt të pamundur qëndrimin në këtë mjedis të mbyllur, aq sa shumë prej tyre kanë probleme shëndetësore si dhe alivanosje të shpeshta. Pallati i Drejtësisë, në të cilin veprojnë një sërë institucionesh gjyqësore, është një projekt mbi 30 milionësh, i financuar nga Bashkimi Evropian.
