Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Rreth 700 persona që nga fundi i vitit 2019 janë duke pritur që tu lëshohen mjete nga Fondi i Sigurimeve Shëndetësore për trajtim shëndetësor në institucionet private në vend dhe jashtë vendit. Ndonëse atyre nuk po u ofrohen shumë shërbime në institucionet publike shëndetësore, ata nuk po mbështeten as financiarisht me kohë nga shteti. Vetëm për rastet urgjente, fondet për trajtim lëshohen shpejt, ndërsa rastet joemergjente duhet të presin për më shumë se 1 vit për t’u ndihmuar financiarisht nga shteti. Përkundër që janë raste joemergjente, gjendja e tyre mund të përkeqësohet gjatë pritjes për fonde. Zyra për Informim në Fondin e Sigurimeve Shëndetësore ka thënë se janë rreth 700 pagesa të cilat janë në pritje për t’u realizuar, kjo për shkak të mungesës së mjeteve buxhetore në raport me kërkesat e pacientëve. Nga ky Fond kanë bërë të ditur se janë duke u realizuar pagesat nga fundi i vitit 2019. Ndërsa, vetëm gjatë vitit 2020 për fonde kanë aplikuar 968 persona.
