Salih Mustafa

Konferenca e radhës në Gjykatën Speciale për ecurinë e çështjes që lidhet me Sali Mustafën mbahet më 5 mars

01/03/2021 Lajmet

Për datën 5 mars është caktuar të zhvillohet seanca e radhës e Gjykatës Speciale për rastin e Salih Mustafës. Kështu është bërë e ditur në kalendarin e publikuar nga Specialja. Ndër të tjerash theksohet se duke filluar në orën 11:00 do të zhvillohet konferenca e radhës për ecurinë e çështjes që lidhet me Mustafën. Salih Mustafa ishte i arrestuari i parë nga Gjykata Speciale, nën dyshimin kinse për krime të kryera gjatë luftës. Më 28 shtator 2020, ai nuk kishte pranuar të deklarohej për akuzat me të cilat ngarkohej, derisa më 28 tetor , ai u deklarua i pafajshëm për katër akuzat e ngritura ndaj tij nga Specialja. Ndërsa më 23 nëntor 2020, Gjykata Speciale kishte marrë vendim për vazhdimin e paraburgimit ndaj Salih Mustafës.

Kontrolloni gjithashtu

Ish-ministrja e Mbrojtjes e Maqedonisë së Veriut, Radmilla Shekerinska, është emëruar të martën zëvendëssekretare e Përgjithshme e NATO-s, njoftoi aleanca ushtarake. NATO-ja tha se shefi i aleancës, Mark Rutte, vendosi ta emërojë Shekerinskan si zëvendëssekretare të ardhshme. “Kam kënaqësinë të njoftoj emërim e Radmila Shekerinska si zëvendëssekretare të Përgjithshme. Ajo beson vërtet në NATO, e di punën që nevojitet për të qenë pjesë e aleancës, dhe çfarë do të thotë të jesh anëtar i plotë”, tha Rutte. Ajo do ta marrë zyrtarisht detyrën e re në fund të këtij viti, duke qenë se ka shërbyer në të kaluarën si zëvendësministre për Integrim Evropian dhe ministre e Mbrojtjes e Maqedonisë, përfshirë gjatë kohës kur vendi i saj iu bashkua aleancës së NATO-s më 2020. Shekerinska do ta zëvendësojë zëvendëssekretarin e Përgjithshëm në detyrë, Boris Ruge, i cili e mori këtë pozitë përkohësisht në fillim të vjeshtës, pasi zëvendëssekretari i atëhershëm, Mirçea Geoana njoftoi se do të garonte për president të Rumanisë.

NATO: Shqipëria dhe Kroacia aleatë kyç në dialogun Kosovë-Serbi mbetet prioritet

Zëvendëssekretarja e Përgjithshme e NATO-s, Radmila Shekerinska, ka komentuar takimin trilateral mes Kosova, Shqipëria dhe …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara