Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni Qendror Zgjedhor i Kosovës, i manipuluar nga politika zyrtare nuk kundërshton mbajtjen e zgjedhjeve të Serbisë në territorin e Kosovës. Edhe pse përfaqësuesit e opozitës në KQZ, kanë kërkuar ndalimin e mbajtjes së zgjedhjeve të Serbisë në Kosovës KQZ-ja hodhi poshtë kërkesa e tyre me arsyetimin se ky proces është jashtë përgjegjësive të institucionit të vetëm në Kosovë i cili menaxhon me procese zgjedhore. Kryetarja e këtij institucioni, Valdete Daka, ka thënë se asaj nuk u takon të përfshihen në këtë proces, pasi bëhet fjalë për zgjedhje të një shteti tjetër, por nuk ka folur përse lejohet të mbahen zgjedhjet e një shteti tjetër në Kosovë, ku ajo pretendon se autoritet i vetëm për zgjedhje është institucioni, të cilin e drejton. Përfaqësuesi i “Vetëvendosjes” në KQZ, Adnan Rrustemi, i mbështetur edhe nga përfaqësuesi i AAK-së, Binak Vishaj, dhe Eshref Vishi nga Nisma, kanë kërkuar nxjerrjen e një deklarate të përbashkët përmes së cilës kundërshtohet organizimi i zgjedhjeve të Serbisë në Kosovë.
