Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni Qeveritar për Persona të Pagjetur bashkë me familjarët e të rrëmbyerve të luftës nga ushtria dhe policia e Serbisë dhe shoqatat e dala nga lufta çlirimtare e UÇK-së do të shënojnë Javën e të Pagjeturve në Kosovë. Ata shpallën sot zyrtarisht Javën e të Pagjeturve e cila do të mbyllet me ditën e tyre, 27 Prillin. Dita e parë për të kujtuar të pagjeturit filloi me vendosjen e luleve tek memoriali për të zhdukurit afër ndërtesës së Kuvendit. Kryesuesi i Komisionit Qeveritar për Persona të Pagjetur, Prenk Gjetaj, gjatë një konference, edhe një herë kërkoi që çështja e të pagjeturve të jetë pjesë e bisedimeve Kosovë-Serbi në Bruksel. Përfaqësuesi i familjarëve, Bajram Qerkini përsëriti se ende ka shumë punë për të bërë, por institucionet e Kosovës nuk i kanë duart e zgjidhura për të zbardhur këtë çështje. Edhe 17 vjet pas luftës, Kosovës i mungojnë më shumë se 1 mijë e 600 të vrarë, e të zhdukur nga forcat serbe.
