Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më 10 gusht të viti 1998, ka rënë heroikisht pas një betejë disa orë me forcat serbe, Bekim Berisha njëri ndër luftëtarët më të dalluar të Ushtrisë Çlirimtare të Kosovës. I njohur me nofkën e luftës “Abe-ja” ishte njëri ndër luftëtarët më të përkushtuar jo vetëm në Rrafshin e Dukagjinit, por kudo në Kosovë, ashtu sikur kishte qenë edhe gjatë luftës atdhetare në Kroaci.
23 vjet më parë, në frontet e luftës së Ushtrisë Çlirimtare të Kosovën në Zonën e Dukagjinit, përveç komandantit Bekim Berisha, kanë rënë edhe luftëtarët nga Drenica, Bedri Shala, e Bashkim Leku, si dhe luftëtarët: Elton Zherka e Permet Vula, nga Gjakova. Po më 10 gusht të vitit 1998, në fshatin Garbrricë të Kaçanikut kanë rënë dëshmorë, komandanti i parë i kësaj treve të Kosovës, Agim Bajrami dhe dy bashkëluftëtarët e tij: Xheladin Kurtaj e Besnik Begunca. Po atë ditë forcat serbe kishin arrestuar edhe Danush Kurtajn, vëlla i Xheladinit, i cili ka rënë gjatë masakrës serbe në Burgun e Dubravës.
