Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e LDK-së, Janina Ymeri, ka kritikuar ministren e Drejtësisë, Donika Gërvalla, për mungesën e përgjigjeve lidhur me strehimoret për gratë viktima të dhunës në familje. Ymeri ka treguar se gjatë seancës së jashtëzakonshme të Kuvendit të Kosovës kishte ngritur çështjen se ku mund të strehohen gratë që përballen me dhunë dhe nuk kanë ku të kthehen, por, sipas saj, nuk mori përgjigje konkrete nga Gërvalla dhe ish-ministrja e Drejtësisë, Albulena Haxhiu. Sipas deputetes, Haxhiu ia kishte kaluar përgjegjësinë komunave, ndërsa as kryeministri nuk kishte dhënë përgjigje kur u pyet për këtë çështje nga gazetarët. Mungesa e përgjigjeve për strehimin e grave në rrezik ngre pikëpyetje për gatishmërinë institucionale për t’u ofruar mbrojtje viktimave të dhunës në familje.
