Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Fitorja e bllokut nacionalist në Serbi do të ndikojë tek Lista ‘Srpska’ që t’i shtojë kërkesat e saj në raport me Qeverinë e Kosovës. Qysh në fushatën parazgjedhore të partive serbe në Kosovë, Lista ‘Srpska’ përmes zyrtarëve të saj nuk ka fshehur qëndrimin se pret nga Serbia që t’i rregullojë problemet e serbëve në Kosovë. Njohësit e rrethanave politike në vend tërheqin vërejtjen se ky subjekt i financuar drejtpërdrejtë nga Beogradi do ta sfidojë nga brenda shtetin e Kosovës. Sipas tyre, Lista ‘Srpska’ do të jetë një lloj ‘Kali i Trojës’ që do ta gërmojë nga brenda shtetin e Kosovës, madje deri në momentin kur do të dalë hapur me kërkesën për referendume. Drejtuesi i të ashtuquajturës Zyrë për Kosovën në Qeverinë e Serbisë, Marko Gjuriq, ka deklaruar se fitorja me shumicë prej dy të tretash në Kosovë, është rezultat historik. Sipas tij, kjo dëshmon se populli serb në Kosovë përkrah politikën e Qeverisë së drejtuar nga Aleksandër Vuçiq.
