Komunat serbe duket se kanë dalë krejtësisht nga kontrolli i institucioneve qendrore. Komunat e udhëhequra nga Lista ‘Srpska’ nuk po bashkëpunojnë me Agjencinë Kosovare të Privatizimit. Kjo agjenci nuk ka arritur ta kompletojë listën e aseteve të pashitura, të cilat i ka afishuar në faqen zyrtare për shkak të kundërshtimit të komunave serbe për të ndarë dokumentet e nevojshme të aseteve të ndërmarrjeve shoqërore që gjenden nëpër komunat me shumicë serbe. Kryetarët që vijnë nga radhët e Listës ‘Srpska’ kanë kundërshtuar ndërrimin e pronësisë të aseteve të ndërmarrjeve shoqërore në Komunën e Ranillugut. Ata thonë se nuk do të lejojnë ‘privatizimin e njëanshëm’, ndërkohë që Agjencia Kosovare e Privatizimit ka paralizuar pjesën më të madhe të pasurisë natyrore të Kosovës, duke i shitur ato për çmime jashtëzakonisht të ulëta.
Kontrolloni gjithashtu
Ramush Haradinaj: Mospërfshirja e Kosovës në votimin e Këshillit të Ministrave, një dështim i madh
Kryetari i AAK-së, Ramush Haradinaj, ka kritikuar ashpër kryeministrim Albin Kurti lidhur me mospërfshirjen e …