Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Këshillit për Mbrojtjen e të Drejtave dhe Lirive të Njeriut, Behxhet Shala ka deklaruar se procesi i vaksinimit të të burgosurve po realizohet në mënyrë të rregullt dhe pa asnjë problem. Gjatë intervistës për “Ekonomia Online” ai ka thënë se te shumica e qendrave të paraburgimit, pothuajse shumica gjendja është e mirë sa i përket tek vaksinimi i personave të privuar nga liria dhe stafi që punon me ta, gjendja është më e mirë sesa jashtë burgjeve. Shumica e të burgosurve janë vaksinuar, tash po marrin vaksinën e dytë e poashtu edhe pjesa e stafit janë vaksinuar. Ai ka shtuat më tutje se departamenti i burgjeve bashkë më shërbimin korrektues e ka koordinuar mirë punën dhe po e mban në kontroll pothuajse nuk ka asnjë rast në mesin e të burgosurve, ndërsa stafi ka disa raste por që po menaxhohet mirë dhe deri tash nuk ka asnjë pengesë. Kanë mjete të mjaftueshme dhe situata është e qëndrueshme. Nga ana tjetër, këshilltari ligjor, Anton Nrecaj gjendjen e të burgosurve nuk e sheh aspak të mirë, pasi sipas tij, ka marrë telefonata nga burgjet lidhur me trajtimin jo të mirë gjatë pandemisë në qendrat e paraburgimit.
