Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Speciale, në Hagë, ka bërë me dije se gjyqtari i procedurës paraprake ka hedhur poshtë mocionet e Hashim Thaçit, Kadri Veselit dhe Rexhep Selimit mbi ligjshmërinë e Dhomave dhe Zyrës së Prokurorit si dhe shkeljet e pretenduara të të drejtave të caktuara kushtetuese të të akuzuarve. Sipas njoftimit, vendimin mbi hedhjen poshtë të mocioneve gjyqtari paraprak e ka marrë më 31 gusht. Më 9 nëntor, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Selimi më 11 nëntor. Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.
