Drejtoresha e Fondacionit kundër Racizmit dhe Antisemitizmit, Dina Wyler ka kritikuar Raportin e Task Forcës Federale të Koronavirusit në të cilin supozohet se çdo pacient i tretë i kujdesit intensiv është infektuar me korona gjatë pushimeve në Kosovë ose Maqedoninë e Veriut. Ajo ka theksuar se kjo qasje e raportimit nxit urrejtje ndaj të huajve. Drejtoresha e Fondacionit kundër Racizmit dhe Antisemitizmit, Dina Wyler ka përkujtuar se kjo qasje nuk është e re sepse edhe më parë në kohë krizash janë kërkuar dhe gjetur “fajtorët kujdestar”. Secilën herë, pakicat janë ato që fajësohen për krizën dhe fyhen”. Një gjë e tillë nuk prek vetëm kosovarët. Në mesin e të fajësuarve ishin shpesh hebrenjtë, të huajt në përgjithësi ose njerëzit me prejardhje migrimi. Ajo ka theksuar më tutje se pandemia e shkaktuar nga virusi korona shqetëson shumë njerëz por urrejtja, ksenofobia dhe racizmi nuk mund të justifikohen asnjëherë.
Kontrolloni gjithashtu
AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë
Aleanca për Ardhmërinë e Kosovës ka festuar 24-vjetorin e themelimit, me një takim të organizuar …