Prokuroria Speciale e Kosovës ka kërkuar 30 ditë paraburgim për ish-deputetin e Kuvendit të Kosovës nga radhët e PDK-së, Azem Syla. Ky i fundit sot është paraqitur tek autoritetet e EULEX-it. Prokuroria e ka arsyetuar kërkesën për paraburgim me peshën e veprës së kryer dhe ndikimin që ka ai, meqë sipas Prokurorisë, dyshohet për krim të organizuar, shpërlarje parash e vepra tjera të rënda penale. Përndryshe, deputeti Syla ka dhënë dorëheqje nga të gjitha përgjegjësitë institucionale si dhe nga pozita e deputetit të Kuvendit të Kosovës. “Hetimi i filluar ndaj meje është padrejtësi, por unë dëshiroj t’i jap hapësirë dhe mundësi drejtësisë të punoj pa ndikime”, ka thënë Azem Syla në një letër drejtuar medieve. Ai ditë më parë kishte mohuar në tërësi akuzat e Porkurorisë, të cilat kryesisht bazohen ne gazeta e portale që kanë lidhje me botën e krimit.
Kontrolloni gjithashtu
Shefja e UNMIK-ut, Caroline Ziadeh, bën thirrje për evitimin e veprimeve të njëanshme lidhur me Urën e Ibrit
Shefja e UNMIK, Caroline Ziadeh, ka kërkuar që të shmangen veprimet e njëanshme lidhur me …