Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Grupi parlamentar i AAK-së ka iniciuar debatin parlamentar në Kuvendin e Kosovës për ngritjen e çmimeve të produkteve elementare. Shefi i grupit parlamentare të AAK-së, Besnik Tahiri, në një konferencë për media, ka thënë se ngritja e çmimeve është një problem shqetësues duhet të adresohet edhe në legjislativ. Besnik Tahiri e ka kritikuar kryeministrin e Kosovës, Albin Kurti për deklarimet e tij për rolin e qeverisë në ngritjen e çmimeve. “A është Albin Kurti i tanishmi që thotë se qeveria nuk i rritë çmimet, apo i atëhershmi i cili thoshte se do të intervenon për ulje të çmimeve? A ka mashtruar atëherë, apo është e vërtet ajo çfarë po thotë tash?”, ka pyetur, Besnik Tahiri, i cili vendimet e fundit të qeverisë për ndihma ndaj qytetarëve, Tahiri i ka quajtur si elektorale.
