Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Spanja ka rikonfirmuar vendimin për mosnjohjen e pavarësisë së Kosovës. Qeveria e Spanjës, thotë se mban “qasje konstruktive” për këtë çështje, duke e mbështetur një zgjidhje në dialogun mes Kosovës e Serbisë. Lajmi u bë i ditur në një përgjigje parlamentare për deputeten, Mariona Illamola, që kishte pyetur në lidhje me aspiratat e Kosovës për të hyrë në BE, raporton Europa Press. Në këtë kuptim, Qeveria e Spanjës ka rikonfirmuar qëndrimin për “mosnjohjen e deklaratës së njëanshme të pavarësisë të miratuar nga Prishtina në vitin 2008, pasi, sipas saj është një akt i njëanshëm”. Më tej nga Qeveria thuhet se “nga një këndvështrim konstruktiv, konsiderohet se është koha për të bërë përpjekje përfundimtare për zgjidhjen e çështjes së territorit të Kosovës në kuadër të dialogut Beograd – Prishtinë, me një marrëveshje që respekton të drejtën ndërkombëtare”.
