Ministri i Drejtësisë, Hajredin Kuçi sot ka pritur në takim Kryetarin e Gjykatës Kushtetuese të Shqipërisë, z. Bashkim Dedja i shoqëruar nga Kryetarja e Gjykatës Kushtetuese së Kosovës, znj. Arta Rama Hajrizi. Gjatë këtij takimi Ministri Kuçi e ka njoftuar Kryetarin e Gjykatës Kushtetuese të Shqipërisë, z. Dedja me punën dhe aktivitetet e Ministrisë së Drejtësisë, përfshirë zhvillimet e fundit në fushën e drejtësisë në Kosovë, konkretisht në reformat e realizuara në frymën e perspektivës evropiane, përfshirë legjislacionin, ngritjen e kapaciteteve si dhe garantimin e pavarësisë së gjyqësorit. Kryetari i Gjykatës Kushtetuese të Shqipërisë, z. Dedja njoftoi Ministrin Kuçi për reformat themelore që po ndërmerren në fushën e drejtësisë në Shqipëri, për sa i përket legjislacionit dhe funksionimit të sistemit të drejtësisë. Ministri Kuçi dhe Kryetari Dedja me theks të veçantë diskutuan për rëndësinë e Gjykatës Kushtetuese, rolin dhe rëndësinë e punës dhe pavarësisë së këtij institucioni në të dyja vendet.
Kontrolloni gjithashtu
Gerald Knaus: Gjermania e Franca do ta bllokojnë anëtarësimin e Kosovës në Këshillin e Evropës për shkak të Asociacionit
Gjermania dhe Franca janë dy prej shteteve që po përgatiten të bllokojnë anëtarësimin e Kosovës …