Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja nga radhët e Partisë Demokratike të Kosovës, Blerta Deliu-Kodra ka reaguar ndaj arsyetimeve të eksponentëve të Vetëvendosjes lidhur me skandalin për të cilin po raportojnë mediet sllovene ku në mesin e protagonistëve kryesor është edhe ambasadori i vendin tonë në Kroaci, Martin Berishaj. Deputetja, Blerta Deliu-Kodra ka shkruar se deputeti i Vetëvendosjes, Armend Muja paska bërë një orvatje të dëshpëruar për të përhumbur të vërtetën e skandalit më të madh që ka ndodhë në Kosovën e pasluftës, i cili skandal, origjinën, protagonistët dhe çdo gjë tjetër e ka të lidhur me pushtetin në të cilin Muja bën pjesë. “Sipas tij, GEN qenka një kompani sllovene, por e tillë nuk ishte për Albin Kurtin në vitin 2019, kur Kurti e kishte cilësuar të njëjtën ‘kompani të themeluar nga UDB-ja’ e të mirëmbajtur nga mafia energjetike serbe. Meqenëse Kurti është bërë “gur” dhe po fshihet para qytetarëve, mbase Mujes do të ia kishte shpjeguar të vërtetën” ka shkruar Deputetja, e Kuvendit të Kosovës, Blerta Deliu-Kodra.
