Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bashkëluftëtari i Adem Jasharit, Fadil Kodra, njëherësh familjar i komandantit të shquar të UËK-së, heroit të kombit, Ilaz Kodra, është shkarkuar nga pozita që mbante si ushtrues detyre i Drejtorit të Agjencisë për Menaxhimin e Emergjencave. Lajmin për shkarkimin nga detyra të Kodrës e ka konfirmuar Ministria e Punëve të Brendshme, në një përgjigje me shkrim. Ju njoftojmë se Ministri Sveçla e ka shkarkuar dje nga detyra z. Kodra. Fadil Kodra ka shërbyer si udhëheqës i agjencisë që menaxhon me njësitë e zjarrfikësve që nga viti 2010, kur ishte emëruar në këtë pozitë nga Qeveria “Thaçi 1” . Për shtatë vjet, Kodra shërbeu si Kryeshef Ekzekutiv i Agjencisë së Menaxhimit të Emergjencave, ndërkaq në pesë vitet e fundit ka ushtruar pozitën e Drejtorit të Përgjithshëm në këtë agjenci. Kohë më parë nga puna ishte suspenduar edhe bashkëshortja e Ilaz Kodrës, që kishte punuar në Postën e Kosovës.
