Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri i Britanisë së Madhe Tony Blair ka paralajmëruar se epokës së dominimit politik dhe ekonomik perëndimor në Evropë e më gjatë po i vjen fundi për shkak të sulmit të Rusisë ndaj Ukrainës dhe ngritjes së Kinës si “superfuqia e dytë” në botë. Blair tha se fuqitë perëndimore duhet të rrisin shpenzimet e tyre të mbrojtjes për të ruajtur supremacinë e tyre ushtarake, raporton eveningstandard. Pushtimi brutal dhe i pajustifikuar i presidentit rus, Vladimir Putinit në Ukrainë tregoi se Perëndimi nuk mund të presë më automatikisht që fuqitë e mëdha botërore t’u përmbahen normave të pranuara ndërkombëtare. Si rezultat i veprimeve të Putinit, ne nuk mund të mbështetemi më tek lidershipi kinez që të sillet në një mënyrë që ne e konsiderojmë racionale. Mos më keqkuptoni. Nuk po them që Kina do të përpiqet të marrë Tajvanin me forcë në të ardhmen e afërt. Por ne nuk mund ta bazojmë politikën tonë në sigurinë se ata nuk do ta bëjnë këtë. Tony Blair tha se ndryshimi më i madh gjeopolitik i këtij shekulli do të vijë nga Kina, jo nga Rusia, “ne po i afrohemi fundit të dominimit politik dhe ekonomik perëndimor”. Ish kryeministri dhe diplomati largpamës, Tony Blair njihet për rolin aktiv që ka luajtur në bombardimin e forcave ushtarake serbe për parandalimin e më tejmë të gjenocidit serb kundër shqiptarëve të Kosovës në vitin 1999.
