Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në vazhdën e fushatës kritikuese, kryeministri, Albin Kurti dhe ministrja e Drejtësisë, Albulena Haxhiu, sot kanë drejtuar kritika kundër sistemin gjyqësor dhe prokurorial. Në konferencën e jashtëzakonshme për medie, ata shfaqen pakënaqësitë e tyre për këto dy sisteme dhe theksuan se kur dështon zinxhiri institucional përgjegjës për ndjekjen penale – policia, prokuroria, gjykata – dështon drejtësia, kurse faturën e paguan qytetari. “Gjyqësori ynë, përkundër të gjitha garancive kushtetuese, ngjan sikur mundohet ta dëshmojë të kundërtën. I akuzuar e i dënuar për shumë vepra penale, dhunuesi ec i lirë nëpër rrugët e Prishtinës, dhunuesi lirohet pas tetë muajsh burgim, dhunuesi nuk rehabilitohet, dhunuesi përsërit veprën e madje dhunuesi edhe vret. Nuk ka alternativë ndaj vettingut në sistemit gjyqësor e prokurorial, këtë e kuptojnë edhe vetë akterët e këtij sistemit e edhe ata më skeptikët për vettingun”, theksoi kryeministri Kurti. Ai njoftoi se sot do të shkojnë për takim me kryetarin e Kuvendit të Kosovës, të cilit do t’ia dorëzojnë edhe dokumentin përkatës,për procedimin e mëtutjeshëm të Vettingut.
