Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Rahovecit Smajl Latifi, në prani të bashkëluftëtarëve, qytetarëve dhe familjarëve të dëshmorëve, në 24 – vjetorin e rënies, kanë përkujtuar jetën dhe veprën e pavdekshme të dëshmorëve të atdheut, Shani Hoti dhe Afrim Bajraktari si dhe të martirëve nga fshati Polluzhë. Pranë lapidarit të dëshmorëve dhe martirëve, që ndodhet në oborrin e shkollës, kanë vendosur kurorë lulesh dhe është përkujtuar sakrifica sublime, guximi dhe vepra atdhetare e Afrimit dhe Shaniut. Kujtesa jonë është e freskët, edhe pse kanë kaluar vite nga rënia e tyre. Brez pas brezi do të kujtohen emri dhe heroizmi i atyre që gjakun dhe sakrificën e tyre i vunë në themelet e lirisë. Lavdi dhe nderime përjetë dëshmorëve të kombit, Shani Hoti dhe Afrim Bajraktari si dhe martirëve nga Polluzha, ka thënë kryetari Latifi me këtë rast!
