Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazeta The Guardian shkruan se Vladimir Putin u mbështet në një cep në Ukrainë dhe bazuar në përvojën e mëparshme, udhëheqësi rus është gati të rrezikojë një luftë bërthamore në vend që të pranojë humbjen. Shtatë muaj pasi Putin nisi pushtimin e tij, trupat ruse janë shtyrë nga rajoni i Harkovit dhe forcat ukrainase po avancojnë në Luhansk. Ato po bëjnë presion mbi trupat ruse dhe linjat e furnizimit në Kerson. Nuk është e pamundur që Rusia të mund të humbasë territoret që ka mbajtur që nga viti 2014, nëse forcat e Putinit nuk janë në gjendje të ndalojnë kundërsulmin ukrainas. Përballë poshtërimit, Putin lëshoi një kërcënim të ri: të mbajë një “referendum” në rajonet e Donetsk, Luhansk, Zaporozhjia dhe në Kerson, që mund të çojë në aneksimin e tyre nga Rusia në fillim të javës së ardhshme. Për Rusinë jo do ta kthente një “operacion special ushtarak” në Ukrainë në një luftë mbrojtëse në Rusi, duke hapur mundësinë e mobilizimit të plotë, të shpalljes së luftës dhe madje edhe të një sulmi bërthamor, shkruan mes tjerash The Guardian.
