Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Parlamentin Evropian, në Komisionin për Liri qytetare, Drejtësi dhe Punë të Brendshme, është zhvilluar debati për rekomandimin e Komisionit Evropian për liberalizimin e vizave për Kosovën. Në këtë seancë nga Komisioni Evropian është paraqitur propozimi dhe arsyetimi nga ana e përfaqësuesve të Komisionit Evropian. Më pas deputetja Tanja Fajon, e caktuar të jetë Raportuese për liberalizimin e vizave për Kosovën, që do të nisë draftimin e raportit i cili do të futet në procedurat parlamentare ka folur për çështjen e demarkacionit. Me këtë rast Tanja Fajon përmes një komunikate për media ka përshëndetur propozimin e Komisionit Evropian dhe ka thënë se heqja e vizave, jo vetëm se do të ndihmojë lëvizjen e lirë, kontaktet mes njerëzve dhe biznesin. Tanja Fajon ka vënë në dyshim dhe ka kërkuar nga Komisioni Evropian të sqarojë se si u vë kusht për liberalizimin e vizave demarkacioni i kufirit me Malin e Zi, ndërkohë që vendet tjera nuk kanë pasur kushte të natyrës së tillë.
