Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Kuvendit të Kosovës nga PDK-ja, Enver Hoxhaj, ka reaguar kundër protestës në kufirin e Jarinës. Ai ka thënë se regjimi serb është përgjegjësi i vetëm për tensionet e krijuara. Në kufirin ndërmjet Kosovës dhe Serbisë, regjimi i Vuçiqit organizoi protesta dhe tensione në bashkëpunim me grupin Wagner, që është i përfshirë në agresionin kundër Ukrainës. Kjo lojë e pistë e Beogradit ekziston për dy dekada. Regjimi serb është i vetmi përgjegjës për tensionet, ka saktësuar Enver Hoxhaj me rastin e protestës së djathtistëve nga Serbia në pikën kufitare me Kosovën, në Jarinë. Protesta u zhvillua në pjesën e territorit të Serbisë, si shenjë mbështetjeje dhënë protestuesve serbë të veriut, që kanë ngritur barrikada, në veri të Kosovës.
