Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shtetet e Bashkuara të Amerikës kanë njoftuar se kanë rrëzuar një balonë gjigante kineze, për të cilën kanë thënë se ka spiunuar në zonat kyçe ushtarake në tokën amerikane. Departamenti amerikan i Mbrojtjes ka konfirmuar se aeroplanët luftarakë e kanë rrëzuar balonën mbi ujërat territorialë të SHBA-së dhe se balona ka rënë në ujërat e Karolinës Jugore. Në një deklaratë të lëshuar nga Pentagoni është thënë se balona vëzhguese ka mbledhur informacion të ndjeshëm, që ka qenë i rëndësishëm për SHBA-në. “Ne kemi arritur ta studiojmë dhe vëzhgojmë me kujdes balonën dhe pajisjen e saj, të cilat kanë qenë të vlefshme”, është thënë në deklaratë. Nga ana tjetër, ministria e Jashtme e Kinës ka shfaqur pakënaqësi kundër përdorimit të forcës amerikane për të sulmuar një pajisje pa pilot. Autoritetet kineze kanë thënë vazhdimisht se balona nuk është pajisje për spiunim, por pajisje e humbur për motin.
