Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Të paktën 20 mijë 665 njerëz kanë humbur jetën dhe 80 mijë e 88 të tjerë janë lënduar nga dy tërmetet e forta që goditën Turqinë jugore të hënën, njoftoi Agjencia e Menaxhimit të Fatkeqësive dhe Emergjencave, transmeton Anadolu. AFAD tha në një deklaratë se në terren aktualisht po punojnë më shumë se 166.000 pjesëtarë të ekipeve të kërkim-shpëtimit. Gjithsej 92 mijë 700 njerëz janë evakuuar nga rajonet e goditura nga tërmeti. Kryetari i Turqisë, Recep Tayyip Erdoğan dje tha se vendi po përballet me një nga fatkeqësitë më të mëdha në historinë e saj. Për të inspektuar përpjekjet e kërkimit, shpëtimit dhe ndihmës, Erdoğan ka vizituar deri më tani provincat Kahramanmaraş, Hatay, Adana, Gaziantep, Osmanije, Kilish, Adıjaman dhe Malata, ku ka takuar të prekurit nga tërmetet. Parlamenti turk të enjten miratoi gjendjen e jashtëzakonshme tremujore për të përshpejtuar përpjekjet e ndihmës. Turqia po mbanë shtatë ditë zie kombëtare me rastin e këtij tërmeti shkatërrues, i cili mori mijëra jetë njerëzish.
