Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Albin Kurti, hodhi poshtë draftin e prezantuar nga Ekipi Menaxhues, në tavolinën e dialogut në takimin e 2 majit në Bruksel. Ai paraqiti vizionin e tij për themelimin e Asociacionit. Në mesin e disa modeleve evropiane të propozuara, ai zgjodhi që vizionin e tij ta bazojë në modelin kroat për pakicat. Nuk është draft përfundimtar, por është një pikënisje”, tha kryeministri, Albin Kurti, duke mos dhënë asnjë koment për vizionin e prezantuar. Javëve të fundit, nga diplomatë të ndryshëm, Kosovës i është kërkuar ta shqyrtojë edhe modelin e Tirolit Jugor. Ndërmjetësit evropianë dhe amerikanë, në thirrjet e tyre drejtuar Kosovës që të bindet për të themeluar Asociacionin, kërkonin që të përdoret një model europian për të drejtat e pakicave që nuk do të çonte në një Republikë Serbe. Miroslav Lajçak ia kishte ofruar Albin Kurtit 15 modele europiane për trajtimin e pakicave në Europë.
