Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Prizrenit, Shaqir Totaj ka shfaqur mospatjime dhe kritika ndaj kryeministrit, Albin Kurti, i cili, ditë më parë ka drejtuar kritika ndaj komunave që udhëhiqen nga kryetar i të partive opozitare. Kryeministri, Albin Kurti ka thënë se komunat po përdoren për t’i bërë opozitë pushtetit qendror. “Dikur niveli qendror i bënte opozitë qeverisjes lokale, sot qeverisja lokale në disa raste po përdoret për opozitë nivelit qendror” ka theksuar kryeministri, Albin Kurti. E Ndaj kësaj deklarate, ka reaguar kryetari i komunës së Prizrenit, Shaqir Totaj, duke shkruar se kjo deklaratë është absurde. “Qeverisja qendrore dhe lokale janë, ose të paktën do duhej të ishin, partnere e jo rivale, prandaj është e pakuptimtë kjo deklaratë sepse pushteti nuk mund t’i bëhet opozitë pushtetit” ka theksuar, kryetari, Shaqir Totaj.
