Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja Vjosa Osmani, nuk do ta dekretojë Ligjin për pagën minimale deri kur Gjykata Kushtetuese ta shqyrtojë kushtetutshmërinë e tij, pas kërkesës së Aleancës për Ardhmërinë e Kosovës. Ky vendim u mor pasi shefi i Grupit Parlamentar të kësaj partie, Besnik Tahiri, ka dorëzuar dje në Gjykatën Kushtetuese të Kosovës kërkesën lidhur me vlerësimin e kushtetutshmërisë së Ligjit për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale. Gjykata Kushtetuese e ka njoftuar kryetaren Osmani se grupi parlamentar i AAK-së dhe dy deputetë të tjerë kanë kërkuar shqyrtimin e kushtetueshmërisë së Ligjit për Pagën Minimale. Ajo nuk do ta nënshkruajë këtë ligj, përpara se të kryhet shqyrtimi në Kushtetuese, ka thënë Bekim Kupina, këshilltar për media i Presidencës.
