Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka akuzuar kryeministrin, Albin Kurti, për të cilin konsideron se u ka ngulur thikë pas shpine dy vlerave sublime të vendit – aleatëve ndërkombëtarë dhe kategorive të dala nga lufta e Ushtrisë Çlirimtare e Kosovës. Ai në takimin e sotëm me përfaqësuesit e organizatave të dala nga lufta është shprehur se këto kategori nuk mund të ndahen nga paga minimale. Haradinaj ka saktësuar për veten është veteran i vërtetë, ndërsa Kurti nuk është i tillë. Kritik ndaj vendimeve e veprimeve të kryeministrit, Albin Kurti janë shprehur edhe përfaqësuesit e organizatave të cilët kanë thënë se kjo qeveri e ka harruar rrugën e sakrificës së Kosovës. Xhavit Jashari, nga Shoqata e Familjeve të Dëshmorëve të UÇK-së, ka njoftuar se do të presin vendimin e Gjykatës Kushtetuese për Ligjin për pagën minimale, në mënyrë që pastaj të ndërmarrin veprimet e mëtutjeshme.
